Дар вилояти Кунари Афғонистон ду худкуши ноболиғ маҳбас шуд

Душанбе, 10.11.15. (АМИТ «Ховар»). — Кормандони  Раёсати  амнияти  миллӣ дар  ҳудуди  вилояти Кунари Афғонистон  ду  худкуши ноболиғро, ки  аз  Покистон ба  ин  вилоят  омада  буданд, ҳабс  карданд. 
Ҷунбиши  шӯришгарон ноболиғонро чун олати  зиндаи  ҳамла дар  қаламрави  Афғонистон  истифода  карданӣ буд,  вале сари  вақт  дастгир  шудани онҳо  имкон  дод, ки аз худкушӣ  раҳо  ёбанд.
Хавфи  ба  фаъолияти қувваҳои  шӯришгар  ҷалб  намудани  ноболиғон  чун  пештара мушкилоти  ҷиддие  барои  Афғонистон  ва  минтақаҳои  ноороми  Покистон  ба шумор  меравад. Аз ин  пеш толибон  асосан аз  чунин  амалиёт истифода  мекарданд, вале  баъдан  гурӯҳи  «Давлати  исломӣ» ҳам кӯдаконро  ба  сафҳои  худ ҷалб  мекардагӣ  шуд.