Дар вилояти Зобул 110 силоҳбадаст кушта шуд

Душанбе, 10.11.15. (АМИТ «Ховар»). — То имрӯз  дар  ҷараёни  задухӯрдҳои  шадиди  мусаллаҳона байни  толибон  ва  ҷонибдорони  «Давлати  исломӣ» дар  вилояти Зобули Афғонистон  қариб  110  силоҳбадаст  кушта  шуданд.
Амалиёти  ҳарбӣ се  рӯз  пештар   дар  вулусволии  Арғандоб  оғоз  ёфта,  сипас  дар  ҳудуди  вулусволиҳои  Ҳакӣ, Афғон ва Дайчопан  паҳн  гардид.
Қобили  зикр  аст, ки дар  ин  ихтилофот  ҷонибдорони   роҳбари  ҳозираи  «Толибон» Ахтар Мансур  ва аз  ҷониби  ДИ  мухолифини  толибон бо  сарварии  мулло Мансур Додулло  иштирок  доранд. То имрӯз  бартарият  ҷониби ҷанговарони  Ахтар  Мансур  буда,  талафот  дар  сафҳои  онҳо  21  нафар  ва  аз  ҷониби  силоҳбадастони  ДИ ва  иттифоқчиёни онҳо  85  нафарро ташкил  медиҳад. 
Ҳамзамон дар  ҷараёни  задухӯрдҳо  аҳолии  осоишта  талафот  медиҳад.  Мувофиқи  маълумоти  санҷиданашудаи  намояндагони  мулло Додулло,   амалиёти  ҳарбӣ  боиси ҳалокати  5   зан  ва  8 кӯдак  гардид, хабар  медиҳад  Агентии  иттилоотии  «Пажвок».