Хуҷанд: машварат оид ба ҳифзи моликияти зеҳнӣ

Душанбе, 30. 11. 2015. (АМИТ «Ховар») —  Рӯзҳои 2-3 декабри соли 2015  дар шаҳри Хуҷанди вилояти Суғд бо ибтикори  Вазорати фарҳанги Ҷумҳурии Тоҷикистон дар доираи лоиҳаи Тоҷикистону Швейтсария оид ба моликияти зеҳнӣ (TSIP) таҳти унвони   «Қонунгузории соҳаи ҳуқуқи муаллиф ва ҳуқуқҳои вобаста ба он»  машварат баргузор мегардад.
Дар  машварат намояндагони иттифоқҳои эҷодӣ, муассисаву идораҳои табъу нашр, соҳаҳои фарҳанг, мақомоти корҳои дохилӣ, гумрук, студияҳои сабти овоз,  КВД  КВ  «Тоҷиккино» —  и вилоят  ҷиҳати   пешгирии ҳуқуқвайронкунӣ дар соҳаи ҳуқуқи муаллиф, ҳамкории мақомоти дахлдор, муассисаву идораҳое, ки бевосита бо пешгирии ҳуқуқвайронкунӣ дар ин соҳа дахл доранд, беҳтар намудани ҳифзи манфиатҳои муаллифон ҳангоми истифодаи асарҳои онҳо, омӯзиши санадҳои меъёрии ҳуқуқӣ, ки муносибатҳои байни муаллифонро ба танзим медарорад, ҳифзи моликияти зехнӣ ва ҳалли мушкилоти соҳа  мубодилаи афкор хоҳанд кард.