И. Григуле: «ИА дар нигоҳ доштани амният ва мубориза бо терроризм Тоҷикистонро ҳамаҷониба дастгирӣ мекунад»
Душанбе, 5.11.2015. (АМИТ «Ховар»).-«Иттиҳоди Аврупо дар нигоҳ доштани амният ва мубориза бо терроризм Тоҷикистонро ҳамаҷониба дастгирӣ мекунад ва дар ин самт лоиҳаҳо низ амалӣ шуда истодаанд. Аз ҷумла, дар самти ҳифзи сарҳад, назорати қочоқи маводи мухаддир, ки амалисозии ин лоиҳаҳо на танҳо ба манфиати кишвари шумост, балки ба манфиати минтақа ва ҷаҳон, аз ҷумла Иттиҳоди Аврупост. Чун мо ҳама дар як киштӣ нишастаем ва халал ворид кардан дар ҳаракати он мумкин нест, чун ҳамагӣ зарар хоҳем дид»,- афзуд роҳбари ҳайати Парлумони Иттиҳоди Аврупо Ивета Григуле баъди мулоқот бо Президенти Ҷумҳурии Тоҷикистон Эмомалӣ Раҳмон дар назди хабарнигорон.
Ивета Григуле иброз намуд, ки бо Президенти Ҷумҳурии Тоҷикистон ҳамчунин масоили вобаста ба рушди ҳамкории гуногунҷанбаи Тоҷикистон бо Парлумони Иттиҳоди Аврупоро мавриди муҳокима қарор додаанд. Масъалаи муҳим ва аввалине, ки дар мулоқоти онҳо мавриди баррасӣ қарор гирифтааст, ин масъалаи амният мебошад.
«Масъалаи дуюме, ки мо дар ин мулоқот авлавият дода, онро мавриди баррасӣ қарор додем, ин масъалаи иқтисод буд. Ҳамкории ояндаи Иттиҳоди Аврупо бо Тоҷикистон- ин рушд додани иқтисоди кишвари шумост, то сатҳу сифати зиндагии мардуми Тоҷикистон боз ҳам беҳтар шавад. Дар ин самт, албатта, якҷоя бояд талош кард, чун дар танҳоӣ наметавон чунин масъалаҳои муҳими ҷаҳониро ҳал кард ва ё пушти сар намуд. Албатта, дар ин мавзӯъ мо масъалаи энергетика ва захираҳои обро низ баррасӣ кардем. Дар ин самт ба мо Ҷаноби Президент дар хусуси ҷараёни корҳои сохтмонӣ дар Неругоҳи Роғун, ҷалби сармоя ба корҳои сохтмонӣ, назорат аз болои сохтмони ин неругоҳ, ки боиси бӯҳронҳои экологӣ нашавад, маълумот доданд»,-илова намуд роҳбари ҳайати Парлумони Иттиҳоди Аврупо.
Дар охир И. Григуле аз номи худ ва ҳайати ҳамроҳонаш мардуми Тоҷикистонро ба муносибати Рӯзи Конститутсия табрик намуда, ба халқи тоҷик саломативу комёбиҳо таманно кард.
Ёдовар мешавем, ки аъзои ҳайати Парлумони Аврупо дирӯз ба шаҳри Душанбе ташриф оварданд.
Дар Ҳисор оид ба кишти саривақтии ғалладонагиҳо машварат доир гардид
Дар ноҳияи Ёвон оид ба таъмини амнияту субот ҳамоиш баргузор шуд
Имрӯз дар водиҳои Тоҷикистон борон меборад
Доир ба пешниҳоди каналҳои коммуникатсионии лоиҳаи «Намоиши коркарди ғайритермалии партовҳои ДДТ дар Осиёи Марказӣ» машварат баргузор гардид
ТААССУРОТИ ХОТИРМОНИ МИНИ-ФУТБОЛ. Дар Душанбе даври ниҳоии Ҷоми Тоҷикистон оид ба футзал баргузор гардид
ОҒОЗИ МАВСИМИ НИҲОЛШИНОНӢ. Дар вилояти Хатлон 600 ҳазор бех дарахти ороишию сояафкан шинонида мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Бахшида ба 31-солагии Ҳизби Халқии Демократии Тоҷикистон дар шаҳри Москва ҳамоиш доир гардид
Имрӯз дар ноҳияҳои алоҳидаи Тоҷикистон туман мефарояд
«Барномаи миёнамуҳлати рушди Ҷумҳурии Тоҷикистон барои солҳои 2021–2025» натиҷагирӣ карда шуд
Дар Академияи миллии илмҳои Тоҷикистон бахшида ба солгарди таъсиси Ҳизби Халқии Демократии Тоҷикистон ҳамоиши илмӣ баргузор гардид
Дар Хадамоти алоқа ба муносибати Рӯзи ҳуқуқи инсон ҳамоиш доир шуд
