Имрӯз Буҷети давлатӣ барои соли 2016 қабул мегардад

Душанбе, 18.11.2015.(АМИТ „Ховар“).- Интизор меравад, ки имрӯз вакилони палатаи поёнии Парлумони кишвар дар ҷаласаи навбатии иҷлосияи дуюми Маҷлиси намояндагон лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2016» ва нишондиҳандаҳои «Буҷети давлатӣ барои солҳои 2017-2018»-ро баррасӣ ва қабул намоянд.
Дар иҷлосия ҳамзамон баррасӣ ва қабули лоиҳаи қонунҳои Ҷумҳурии Тоҷикистон „Дар бораи таъмини нафақаи хизматчиёни ҳарбӣ“, „Дар бораи хизмати давлатӣ“, “Дар бораи фаъолияти волонтёрӣ“  ва тасдиқи лоиҳаи «Барномаи давлатии қарзгирии берунаи Ҷумҳурии Тоҷикистон барои солҳои 2016-2018» дар назар аст.