КМТ: Муаррифии барномаи таълимии «Журналистика ва ҳуқуқи кӯдак»

Душанбе, 27.11.2015. (АМИТ «Ховар»). -«Мақсади асосии Барномаи «Адолати иҷтимоӣ аз нуқтаи назари ЮНИСЕФ, пешбарандагони ҳуқуқи кӯдак ва сиёсатмадорони ҷаҳонӣ»-ин пеш аз ҳама, муҳайё кардани шароити мусоид барои ҳар як кӯдак мебошад ва он масъала ё норасоиҳоеро, ки дар пешрафти кӯдакон халал мерасонанд, мекӯшад бартараф намояд»,- гуфт мутахассиси робита бо ҷомеа ва ВАО-и ЮНИСЕФ Парвина Муҳаммадхоҷаева дар муаррифии барномаи таълимии «Журналистика ва ҳуқуқи кӯдак» барои донишгоҳҳои Тоҷикистон ба муносибати маъракаи ҷаҳонии ЮНИСЕФ # Баҳри адолат бахшида ба 26- солагии Конвенсия дар бораи ҳуқуқҳои кӯдак, ки имрӯз дар Китобхонаи миллии Тоҷикистон баргузор гардид.
 Дар конфронс намояндаи Вазорати маориф ва илми Ҷумҳурии Тоҷикистон, роҳбари намояндагии ЮНИСЕФ дар Тоҷикистон ва устодону донишҷӯёни Донишгоҳи миллии Тоҷикистон иштирок намуда, перомуни  ҳимояи ҳуқуқи кӯдак  сухан гуфтанд.