Мулоқот бо ҷавонони ноҳияи Б. Ғафуров доир ба пешгирии ҷинояткорӣ

Душанбе, 20.11.2015. (АМИТ “Ховар”). -19 ноябр мулоқоти муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Амирбекзода Ҳабибулло, муовини раиси мақомоти иҷроияи маҳалии ҳокимияти давлатии ноҳияи Бобоҷон Ғафуров Сатторзода Хуршед ва дигар масъулини кумита бо ҷавонони ноҳияи Бобоҷон Ғафуров оид ба пешгирии хариду фурӯши одамон ва ҷинояткорӣ доир шуд.
Масъулини кумита аз ҷавонон даъват намуданд, ки дар якҷоягӣ мо метавонем нисбат ба тамоми мушкилот муқовимат нишон дода, арзишҳои миллии худро ҳифз намоем. Ҷавонон аз таваҷҷуҳи масъулини кумита изҳори қаноатмандӣ намуда, иброз доштанд, ки тамоми ақлу заковати андӯхтаашонро барои бунёд ва рушди диёри зебою пешрафта мегузоранд.