Мулоқоти С.Аслов бо П. Драганов

 Душанбе, 27.11.2015 (АМИТ «Ховар»).- 26 ноябри соли 2015 мулоқоти вазири корҳои хориҷии Ҷумҳурии Тоҷикистон Сироҷидин Аслов бо роҳбари Маркази минтақавии СММ оид ба дипломатияи боздоранда барои Осиёи Марказӣ Петко Драганов баргузор гардид.
Зимни мулоқот масъалаҳои марбут ба ҳамкории минтақавии кишварҳои Осиёи Марказӣ дар самтҳои амният, таҳкими сарҳади давлатӣ, мубориза бо терроризм, безараргардонии минаҳо, обу энергетика ва мусоидати марказ ба ин равандҳо мавриди баррасии ҷонибҳо қарор гирифтанд.