Норак: иқдоми идонаи «Сулҳ ба ҳама»

Норак, 20.11.2015. (АМИТ «Ховар»).- Дар муассисаҳои таълимии шаҳри Норак бахшида ба Рӯзи парчами миллии Ҷумҳурии Тоҷикистон мизи мудаввар, конфронсу вохӯриҳо дар мавзӯи  » Парчамат парафшон бод, Тоҷикистон » баргузор гардида истодаанд. Инчунин дар ҳудуди ҷамоатҳо ва корхонаю ташкилот бахшида ба ин  санаи таърихӣ  мусобиқаҳои варзишӣ, мулоқоту суҳбатҳо, чорабиниҳои  фарҳангию маърифатӣ   ва маҷлисҳои тантанавӣ  доир  ба аҳамияти Парчами давлатӣ ҷараён доранд. 
Дар ҳудуди шаҳр  иқдоми «Сулҳ ба ҳама» бахшида ба рӯзи Парчами давлатӣ гузаронида мешавад  ва рӯзи 24 ноябри соли равон дар шаҳр бо иштироки 500 нафар  роҳпаймоию маҷлиси тантанавӣ ва барномаҳои консертӣ гузаронида мешаванд.