Расонидани зарари вазнини ҷисмонӣ ба ҳамсари собиқ

Душанбе, 25.11.2015. (АМИТ «Ховар»).-Зимни гузаронидани чорабиниҳои фаврӣ-ҷустуҷӯӣ сокини 32-солаи ноҳияи Ашт бо гумони расонидани зарари вазнини ҷисмонӣ ба саломатӣ аз ҷониби кормандони милитсия дастгир шуд. Муайян карда шуд, ки гумонбаршуда 20- уми ноябри соли равон, ба назди ҳавлии истиқоматии собиқ ҳамсараш, зани 31-солаи сокини ҳамин ноҳия рафта, аз сабаби хусумати шахсӣ доштан вориди хона шуда, бо корд як маротиба ба шиками зан задааст. Дар натиҷа ҷабрдида ҷароҳати вазнини ҷисмонӣ бардошта, дар беморхона бистарӣ гаштааст. Нисбат ба далели мазкур парвандаи ҷиноӣ оғоз гардида, тафтиш идома дорад.