Санҷиши аспирантони муассисаҳои илмӣ — тадқиқотии АИ ҶТ

Душанбе, 17.11.2015. (АМИТ «Ховар).-16 ноябри соли равон дар маҷлисгоҳи АИ ҶТ бо иштироки президенти АИ ҶТ, академик Фарҳод Раҳимӣ санҷиши аспирантҳои муассисаҳои илмӣ — тадқиқотии АИ ҶТ доир гардид.
Дар назди муассисаҳои илмӣ — тадқиқотии АИ ҶТ дар соли таҳсили 2014 — 2015 255 аспирант, аз ҷумла 133  аспиранти рӯзона ва 122 аспиранти ғоибона ба таҳсил фаро гирифта шудаанд.
Ҳангоми санҷищ натиҷаҳои ба дастовардаи аспирантон аз рӯи нақшаи инфиродӣ, ки дар Шӯрои олимони муассисаҳои илмӣ — тадқиқотии АИ ҶТ тасдиқ гардидааст, ҷамъбаст шуданд.
Санҷиши аспирантон нишон дод, ки дар соли хониши 2014-2015 аспирантҳои муассисаҳои илмӣ — тадқиқотии АИ ҶТ дар маҷмӯъ натиҷаҳои хуби илмӣ ба даст овардаанд. 
Дар санҷиш роҳбарони илмии аспирантҳо, ноибони президенти АИ ҶТ, саркотиби илмии АИ ҶТ, муовини президенти АИ ҶТ оид ба тайёр кардани кадрҳои илмӣ, директорони муассисаҳои илмӣ — тадқиқотии АИ ҶТ, ҷонишини директорони институтҳо, котибони илмии институтҳо ва мудирони шуъбаҳои докторантура, аспирантура ва магистратура иштирок доштанд.
Зимни санҷиши 240 аспирант 10 нафар хориҷ ва 5 нафар шартан аз санҷиш гузаштанд.