Суғд: Сафарбаркунии муҳоҷирони меҳнатӣ барои кор

 Душанбе, 3. 11. 2015. (АМИТ «Ховар»).- Дар давоми моҳи октябр дар қаламрави вилояти Суғд 9 субъекти хоҷагидор, аз қабили ҶДММ «Сомонэкпресстранс», ҶДММ «Суғдиён Помир тур», ҶСК «Нақлиёт», ҶСК «Иттиҳодияи автовокзалҳо», «Умури меҳнатии ихтиёрии ҷавонон», «Роҳи Абрешим» ба сафарбаркунии муҳоҷирон  машғуланд. 
Дар ин давра «Сомонэкспресстранс» ба 178 нафар, «Суғдиён Помир Тур» ба 19 нафар, «Иттиҳодияи автовокзалҳо» ба 20 нафар, «Роҳи Абрешим» ба 103 нафар шаҳрванд хизмат расонидаанд.
Дар маҷмӯъ, аз хизматрасонии субъектҳои хоҷагидорӣ  320  шаҳрванд,  230 мард, 84 зан ва 6 нафар ноболиғ истифода бурдаанд.
Ҳамчунин дар давоми моҳи октябр аз ҷониби субъектҳои хоҷагидор 34 нафар бо ҷои кор таъмин гардиданд.
Субъектҳои хоҷагидор дар сафарбар намудан ва бо ҷои кор таъмин кардани 354 шаҳрванд саҳм гузоштанд.
Пеш аз  гусели гурӯҳҳои сафарбаршаванда намояндагони Раёсат бо муҳоҷирон суҳбат гузаронида, қоидаҳои будубош дар хориҷаро фаҳмонданд, маслиҳати ҳуқуқӣ доданд ва бо маводи ташвиқотию тарғиботӣ таъмин намуданд.