Суди ноҳияи Исмоили Сомонӣ: донишҷӯ ба ҷиноят даст зад

           Душанбе, 30. 11. 2015. (АМИТ «Ховар») — Суди ноҳияи Исмоили Сомонии шаҳри Душанбе нисбат ба  донишҷӯи Донишгоҳи славянии Русияву Тоҷикистон  Ф .М.  ва  шаҳрванд Б. Ч. бо моддаҳои 3073  қисми 2-и КҶ Ҷумҳурии Тоҷикистон бо моддаи 3073  парвандаи ҷиноятӣ  боз намуда, онро мавриди баррасӣ қарор дод. 
          Суд муайян намуд, ки  донишҷӯ   Ф.М. охирҳои моҳи апрели соли 2015 тавассути сомонаи интернетии www.odnoklassniki.ru дар бораи ташкилоти экстремистии «Давлати исломӣ», ки бо ҳалномаи Суди Олии Ҷумҳурии Тоҷикистон  аз 14-уми апрели соли 2015 ҳамчун ташкилоти экстремистӣ  эътироф шудаву сомонаи интернетиаш баста шудааст, маълумот пайдо намуда, тавассути телефони мобилиаш- тамғаи «SAMSUNG» аз шабакаи интернет навор ва расмҳои тарғибкунандаи ин ташкилотро  ба даст овардааст. 
            Тавассути сомонаи «Вайбер» онҳоро ба шиносонаш: Наимова Ганҷинамо Бозоралиевна, Қосимов Бузургмеҳр Абдусаломович, Шоназриев Низом Мақсадшоевич, Насриддинова Шукрона, Б,Ч. ва дигарон паҳн намудааст. Шаҳрванд Ф.М. дар  суроғаи электрониаш, ки бо номи  «ШеЙх МуХаМмАд 0007» қайд гардидааст, бо  шаҳрванд  Б. Ч.   алоқа барқарор намуда, барои дар задухӯрдҳои мусаллаҳонаи «Давлати исломӣ» ба  Сурия рафта иштирок намудан маслиҳат намудааст.