Тамаъҷӯӣ бо таҳдиди бадномкунӣ

Душанбе, 17.11.2015. (АМИТ «Ховар»).-Аввалҳои моҳи октябри соли равон ҷавоне бо номи Ф. тавассути интернет бо зани 34-солаи сокини шаҳри Душанбе шинос шуда, худро маҳсгар муаррифӣ намудааст. Номбурда занро ба манзили истиқоматиаш даъват карда, бо ӯ алоқаи ҷинсӣ намуда, ҳаракатҳои шаҳвониашонро ба навор гирифтааст. Баъдан номбурда бо роҳи тамаъҷӯӣ ва таҳдиди паҳн намудани навори мазкур аз зан маблағи 1400 доллари амрикоӣ талаб кардааст. Дар натиҷаи гузаронидани чорабиниҳои фаврӣ-ҷустуҷӯӣ 16-уми ноябр ҷавони 18-солаи истиқоматкунандаи кӯчаи Рӯдакии пойтахт дар вақти гирифтани маблағ дастгир шуд. Нисбат ба далели мазкур парвандаи ҷиноятӣ оғоз гардида, тафтиш дар ин самт идома дорад.