Тасарруф намудани телефони ноболиғ

Душанбе, 23.11.2015. (АМИТ “Ховар”). — Ба ШВКД дар ноҳияи Фирдавсӣ ноболиғ, сокини 14-солаи шаҳри Қурғонтеппа муроҷиат намудааст, ки  21 ноябри соли равон, тахминан соати 20:00 дар боғи “Дӯстии халқҳо”, воқеъ дар кӯчаи Фирдавсии шаҳри Душанбе, шахси номаълум бо роҳи зӯроварӣ аз дасташ 1 телефони мобилии тамғаи “Хуавей”-ро, ки арзишаш 600 сомониро ташкил медиҳад, тасарруф намуда, аз ҷойи ҳодиса ғайб задааст. Зимни гузаронидани чорабиниҳои фаврӣ-ҷустуҷӯӣ кормандони милитсия сокини 20-солаи шаҳри Кӯлобро бо гумони даст доштан дар ҷинояти ғоратгарӣ дастгир намуданд. Нисбат ба далели мазкур парвандаи ҷиноятӣ оғоз гардида, тафтиш идома дорад.