“Забони модариам ҷони покам”-ҳамоиш бахшида ба Соли оила

Душанбе, 24.11.2015. (АМИТ «Ховар»).-26 ноябри соли равон дар Кумитаи забон ва истилоҳоти назди Ҳукумати Ҷумҳурии Тоҷикистон бахшида ба Соли оила дар мавзӯи “Забони модариам ҷони покам” мизи мудаввар баргузор хоҳад шуд. 
Дар назар аст, ки дар мизи мудаввар намояндагони Вазорати маориф ва илми Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон, Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, Раёсати асноди ҳолати шаҳрвандии Вазорати адлияи Ҷумҳурии Тоҷикистон, Хонаи ақди никоҳи шаҳри Душанбе ва намояндагони Комиссияи татбиқи Қонуни Ҷумҳурии Тоҷикистон дар ноҳияҳои пойтахт иштирок менамоянд.
Мизи мудаввар масъалаҳои марбут ба оила, алалхусус, баланд бардоштани маърифати забондонии фарзандон, рушду инкишофи сатҳи хиради оиладорӣ дар ҷомеа ва фарҳанги забондонии оиларо фаро хоҳад гирифт, ки он яке аз масъалаҳои мубрами рушди фарҳанги оиладорист.