Арабистони Саудӣ нахустин «НАТО»-и исломӣ таъсис медиҳад

Душанбе, 15.12.2015. (АМИТ «Ховар) -Агентии хабарии Арабистони Саудӣ изҳороте нашр кардааст, ки ин кишвар як эътилофи исломии муштарак бар зидди терроризм бо ҳузури  34 давлат, марказаш дар Риёзро ташкил медиҳад.
Дар ин гузориш омадааст, ки: «Бинобар таъкиди заминаҳои паймони Созмони ҳамкории исломӣ, кишварҳои узви онро ба ҳамкорӣ барои мубориза бар зидди терроризм даъват мекунад. Ва   ҳеҷ узрею сафедкуниро барои терроризм қабул нахоҳад кард. Пас ба қароре омадааст, ки як эътилофи низомӣ барои мубориза бо терроризмро таҳти роҳбарии Арабистони Саудӣ таъсис диҳад. Ва дар шаҳри Риёз як маркази амалиёти муштарак барои ҳамоҳангсозӣ ва дастгирии амалиёти ҳарбӣ барои мубориза бо терроризм ва таҳияи барномаҳо ва механизмҳо барои дастгирии ин кӯшишҳо таъсис дода шавад.
Дар гузориш гуфта шудааст, ки ба ин эътилоф дар баробари  Арабистони Саудӣ кишварҳои зерин низ шомил мебошанд: Ӯрдун, АМА, Покистон, Баҳрайн, Бангладеш, Бенин, Туркия, Чад, Того, Тунис, Ҷибути, Сенегал, Судон, Серра-Леоне, Сомалӣ, Габон, Гвинея, Фаластин, ҷазираҳои Қамара  Қатар, Кот де Ивуар, Кувайт, Лубнон, Либия, Малдив, Мали, Малайзия, Миср, Марокаш, Мавритания, Нигер, Нигерия, Яман.
Дар гузориш ҳамчунин омадааст, ки даҳҳо кишварҳои дигари мусулмонӣ  дастгирии худро аз ин паймон изҳор намудаанд ва  дар  ин робита  тадбирҳои зарурӣ андешида мешаванд, аз ҷумла Ҷумҳурии Индонезия».