БМТ: Мубодилаи асъори юани чинӣ рӯзҳои наздик оғоз мегардад
Душанбе, 3.12.2015. (АМИТ «Ховар»).- “Дар давоми соли равон барои диверсификатсияи амалиёти берунии асъорӣ созишномаи СВОП бо асъори юани чинӣ ба имзо расид, ки истифодаи босамари он барои кам намудани фишорҳои қурбӣ нигаронида шудааст. Мубодилаи он ба таври пилотӣ рӯзҳои наздик оғоз мегардад”,-гуфт раиси Бонки миллии Тоҷикистон Ҷамшед Нурмаҳмадзода 2 декабр дар ҷаласаи Маҷлиси намояндагони Маҷлиси Олии Ҷумҳурии Тоҷикистон.
Бояд гуфт, ки дар 11 моҳи соли равон қурби расмии пули миллӣ нисбат ба доллари ИМА 26,7 фоиз паст гардид.
Бонки миллии Тоҷикистон вобаста ба зиёд шудани талабот ба асъори хориҷӣ ва дар ин замина таҳлука ва ҳодисаҳои ҳаннотӣ барои таъмини тағйирёбии муътадил ва қобилияти харидории пули миллӣ, тадбирҳои қатъӣ андешида истодааст.
“Бо мақсади таъмини устувории бозори дохилии асъор ва суботи қурби сомонӣ фаъолияти нуқтаҳои мубодилаи асъори шахсони воқеӣ манъ шуд ва дар бозори нақдию бозори байнибонкӣ тавассути Низоми электронии савдо амалиёти марбутаро анҷом дода истодаем”,-илова намуд раиси БМТ.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
