Гуфтушунидҳо дар Токио
Душанбе, 03.12.2015. (АМИТ “Ховар”). — Аз 26 ноябр то 2 декабр соли 2015 дар Токио гуфтушунидҳо байни ҳайати Тоҷикистон таҳти роҳбарии Сафири Фавқулодда ва Мухтори Ҷумҳурии Тоҷикистон дар Япония Ҳамрохон Зарифӣ ва намояндагони Агентии Япония оид ба ҳамкории байналмилалӣ (JICA) баргузор гардид. Ҷониби япониро директори генералии Раёсати Осиёи Марказӣ, Шарқӣ ва Қавқози Агентии мазкур Като Тошинобу муаррифӣ кард. Ҳамчунин дар мулоқот ҳайати ҶСК “Фурудгоҳи байналмилалии Душанбе” таҳти роҳбарии директори генералӣ Рустам Холиқов иштирок кард.
Зимни вохӯриҳо масоили вобаста ба татбиқи лоиҳаи “Беҳтарсозии фурудгоҳи байналмилалии Душанбе” ва дурнамои рушди минбаъдаи ҳамкорӣ дар соҳаи авиатсия қарор гирифтанд.
Ҷонибҳо изҳори умед намуданд, ки сохтмони терминали боркашонӣ дар муҳлати пешбинишуда ба анҷом хоҳад расид. Намояндаи JICA зикр кард, ки ҷониби японӣ кумакҳои техникии худро дар татбиқи лоиҳаи бахши инфарасохтори нақлиёти Тоҷикистон идома хоҳад дод.
2 декабр дар натиҷаҳои гуфтушунидҳо дар бинои сафорат маросими баимзорасонии шартнома миёни ҶСК “Фурудгоҳи байналмилалии Душанбе” ва ширкати “Added Value Corporation Japan” барои татбиқи лоиҳаи “Беҳтарсозии фурудгоҳи байналмилалии Душанбе” баргузор гардид. Санади мазкурро директори генералии ҶСК ”Фурудгоҳи байналмилалии Душанбе” Рустам Холиқов ва Президенти ширкати “Added Value Corporation Japan” Синити Фудзита ба имзо расониданд.
Лоиҳаи “Беҳтарсозии фурудгоҳи байналмилалии Душанбе” дар асоси Созишномаи грантӣ байни Ҳукумати Ҷумҳурии Тоҷикистон ва JICA амалӣ мешавад. Тибқи он Ҳукумати Япония барои харидории низоми фурудоии автоматии ҳавопаймоҳо (системаи ILS) ва системаи чароғакҳои роҳнамоикунанда барои фурудоии аниқи ҳавопаймоҳо (системаи PALS) ва дигар таҷҳизоти зарурӣ грант (дар ҳаҷми 578,888,000 йен) ҷудо намудаст.
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
