Ишкошим: Миллати тоҷик ба Пешвои миллат будани Эмомалӣ Раҳмон ниёз дорад

Ишкошим, 17.12.2015. (АМИТ «Ҳовар) — «Сарвари давлат  Эмомалӣ Раҳмон  ба Пешвои миллат будан ниёз надорад, вале мардуми тоҷик, миллати куҳанбунёди  тоҷик  дар  давраи пур аз талотум ва кшмакашиҳои сиёсии   ҷаҳон ва даврони имтиҳони  башарият  ба Пешвои миллат будани Эмомалӣ Раҳмон ниёзи бештар дорад»,-  изҳор намуданд иштирокдорони маҷлиси васеи макомоти маҳаллии ҳокимияти   давлатӣ дар    ноҳияи  Ишкошим  ба ифтихори қабули Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ -Пешвои миллат». 
       Ҷамъомадагон   бобати хизматҳои шоёни Қаҳрамони миллат ва  Сарвари давлат Эмомалӣ  Раҳмон   изҳори андеша намуданд. Раиси  ноҳияи Ишкошим Зикрихудо Самадов   гуфт,  ки   Эмомалӣ Раҳмонро мардуми тоҷик    имрӯз  расман  ҳамчун Пешвои миллат   эълон намуд,  дар асл ӯ аз рӯзҳои нахустини   Сарвари  давлат  интихоб шуданаш пешво буд ва тавонист ин рисолатро ба ҷо орад. Хизматҳои Эмомалӣ Раҳмон  дар нигоҳ доштани якпорчагии Тоҷикистон ва аз вартаи нестӣ  наҷот бахшидани он бебаҳоянд. Ин қонун бо  заминаҳои  воқеӣ қабул гардид. Даҳсолаҳову  садсолаҳо паси сар хоҳанд шуд, қарнҳо иваз хоҳанд гашт, вале дар масири ҳастии миллати тоҷик  хизматҳои ин фарзанди миллат  чун   корнамоии   қаҳрамони асил  барои наслҳои оянда   ҳамчун шоҳкитобе хоҳанд монд.  Зиндагиномаи Эмомалӣ Раҳмон , корнамоиҳои ӯ дар самти ба ҳам овардани  миллат, ободкориву созандагӣ, сиёсати некбинонаву дурандешона ва муаррифии  давлату миллат дар арсаи ҷаҳонӣ   шоҳкитоби ибрат  аст.
   Дар ҷаласа зикр гардид, ки мардуми  Ишкошим  хуб дарк менамоянд, ки пешвои миллат будани чӣ маъно дорад ва  Эмомалӣ  Раҳмон  аллакай борҳо  пешво будани хешро  исбот намудааст. Мардуми Ишкошим имрӯз  сидқан  ин марди хирадро, ки   хизматҳояш  дар оянда  чун  дарси мардонагӣ омӯхта хоҳанд шуд,  ҷонибдорӣ доранд. Танҳо ҳамин хизмати  Эмомалӣ Раҳмон   басанда аст, ки Тоҷикистон  ваҳдаторост ва  тоҷикон дар фазои ободу осудаи ватан зиндагӣ доранд.