Изҳороти С.Лавров ва Ҷ.Керри дар бораи зарурати мутобиқ намудани рӯйхатҳои мухолифин пеш аз мулоқот аз рӯи қазияи Сурия

Душанбе, 15.12.15. (АМИТ «Ховар»). — Вазири  корҳои  хориҷии  Русия  Сергей  Лавров  ва   котиби  давлатии  ИМА Ҷон Керри  зимни  гуфтугӯ тавассути  телефон  тасдиқ  намуданд, ки барои  даъвати  мулоқот аз рӯи  қазияи  Сурия бояд рӯйхатҳои  мухолифин  ва террористон  мутобиқ  карда  шаванд, изҳор  доштанд  дар Вазорати  корҳои  хориҷии Федератсияи  Русия.
Мулоқот, ки  бо  хоҳиши  исрории  ИМА роҳандозӣ  шудааст, 15  декабр  баргузор  мегардад.
«Ҷонибҳо тасдиқ  намуданд, ки  барои  даъвати  мулоқоти нави Гурӯҳи  байналмилалии пуштибонӣ  аз  Сурия  бояд иҷрои қарорҳои  он  аз  14  ноябр  таъмин  гардад. Қарорҳои  зикршуда аз ҷониби  намояндаи  махсуси Дабири  кулли  СММ Стаффан  де Мистура таҳия  намудани  пешниҳодҳо  дар  бораи   ҳайати  мухолифини  Сурия  барои  гфуфтушунид  бо  ҳукумати Ҷумҳурии  Араби  Сурия,  ҳамчунин  мутобиқ  намудани рӯйхати  гурӯҳҳои террористиеро, ки  бояд  зидди  онҳо  якҷоя  мубориза  бурда  шавад,  пешбинӣ  менамоянд», — хабар  медиҳад  ТАСС зимни истинод ба  суханони  намояндаи  ВКХ Русия.