Кишварҳои СААД амалиёти ҚКҲ Русияро дар Сурия ҷонибдорӣ намуда, Туркияро маҳкум карданд

Душанбе, 10.12.2015. (АМИТ «Ховар»). -Иштирокдорони ҷаласаи Кумитаи ҳарбии Созмони аҳдномаи амнияти дастаҷамъӣ (СААД) якдилона амалиёти Русияро дар Сурия ҷонибдорӣ намуда, ҳамзамон Туркияро, ки қиркунандааш ҳавопаймои бомбаандози Су-24-и Русияро охири моҳи ноябр сарозер карда буд, маҳкум карданд, — изҳор дошт сардори Ситоди генералии ҚҲ Арманистон Юрий Хачатуров.
«Ҳамаи сардорони ситодҳои кишварҳои иштирокдори СААД мавқеи Русияро ҷонибдорӣ намуда, амали Туркияро нопок хонданд. Мо намехостем ин амалро ба таври дигар арзёбӣ кунем — ин зарба ба қафо аст, чуноне, ки Русия дар ҳол эълон дошта буд», — гуфт Юрий Хачатуров.
Ба гуфтаи ӯ, иштирокдорони ҷаласа ҳамаи қарорҳои Русияро ҷонибдорӣ карданд. «Мо доир ба ҳама масъалаҳо бо Русия ҳастем. СААД ягона ва муттаҳид аст. Мо қавӣ мегардем. Тамоми қарорҳои дар кумита қабулшуда далели гуфтаҳои мананд», — таъкид намуд Ю. Хачатуров.
Иштирокдорони ҷаласа ҳамчунин масъалаи андешидани тадбирҳои заруриро барои пешгирии рушди минбаъдаи амалҳои террористӣ дар минтақаҳои гуногуни фазои СААД баррасӣ намуданд.
Ғайр аз ин, масъалаҳои вазъи ҳарбӣ-сиёсӣ дар кишварҳои аъзои СААД низ муҳокима шуданд.