Намоиш -фурӯши маҳсулоти кишоварзӣ ба истиқболи Соли нав

Хуҷанд, 21.12.2015.  (АМИТ «Ховар»). -19-уми  декабр дар арафаи Соли нави милодӣ дар майдони «Ситораҳои Хуҷанд»-и маркази вилояти Суғд намоиш ва фурӯши маҳсулоти кишоварзии  хоҷагиҳои деҳқонӣ ва кишоварзони вилояти Суғд баргузор гардид. Намоиш ва фурӯш бо мақсади таъмини сокинони вилоят бо маводи ғизоии нисбатан арзон дар Соли нав ташкил шуда, дар он  маҳсулоти ниёзи аввал, ба монанди гӯшт, биринҷ, катошка сабзӣ ва пиёзу маводи дигари ғаллагӣ пешкаш шуд. Дар назар аст, ки намоиш ва фурӯши маҳсулоти кишоварзӣ то интиҳои моҳи равон идома ёфта, дар минтақаҳои дигари вилояти Суғд  низ ташкил шаванд.