Назорати номгузорӣ дар бозори Сомон

Душанбе, 8.12.2015. (АМИТ «Ховар»).-7-уми декабри соли равон аз ҷониби намояндагон, мақомоти прократура ва шуъбаи Вазорати корҳои дохилии Ҷумҳурии Тоҷикистон дар шаҳри Чкалов ва дигар шахсони масъул дар бозори Сомон-и шаҳри Чкалов бо мақсади баланд бардоштани мавқеи забони давлатӣ ва таъмини иҷрои Қонуни Ҷумҳурии Тоҷикистон Дар бораи забони давлатии Ҷумҳурии Тоҷикистон мувофиқи нақшаи чорабиниҳои мақомоти иҷроияи ҳокимияти давлатии шаҳри Чкалов ва мақомоти прократура санҷиши назоратӣ гузаронида шуд.
Ҳадафи  санҷиши мазкур ислоҳ намудани ғалат дар номгузории номи мағозаҳо ва шиору овезаҳои атрофи  бозори мазкур буд.
Барои ислоҳи ғалатҳои забони тоҷикӣ, ки дар растаҳои  бозори мазкур ба назар мерасиданд ва бо номҳои ғайритоҷикӣ номгузорӣ шудаанд аз ҷониби гурӯҳи корӣ оид ба иҷрои Қонуни Ҷумҳурии Тоҷикистон Дар бораи забони давлатии Ҷумҳурии Тоҷикистон ба масъулини бозору соҳибони мағозаҳо барои ислоҳ доир ба рафъи камбудиҳо дастуру супоришҳо дода шуданд.