Номаи шодбоши ҶМТКММ «Апрелевка» ба Президенти Ҷумҳурии Тоҷикистон Эмомалӣ Раҳмон

Душанбе, 17.12.2015 (АМИТ «Ховар»).-Муҳтарам Эмомалӣ Раҳмон,
Ҷомеаи меҳнатии Ҷамъияти муштараки Тоҷикистону канадагии масъулияташ маҳдуди «Апрелевка» пайки хуши сазовор гардидани Шуморо ба унвони Пешвои миллат сидқан ва самимона шодбош мегўяд. Ин эҳтирому эътиқод ва арҷгузорӣ ифодагари ҳамдилии мардуми кишвар ба заҳматҳои содиқонаи Шумо ҳамчун наҷотбахши давлат ва Пешвои миллат мебошад. 
Асоситарин дастоварди давлат ва мардуми Тоҷикистон зери роҳбарии  оқилонаи Шумо ин аст, ки бо тадбир ва талошҳои пайгирона  давлатдории миллии тоҷикон аз вартаи нобудӣ наҷот ёфт.
Мо сиёсати хирадмандона, оқилона ва башардўстонаи Шуморо, Ҷаноби Олӣ ҷонибдор будем, ҳастем ва хоҳем монд. Баробари ин намегузорем, ки носипосе, нохалафе ё гурӯҳи бадтинате дар ҷодаи давлатдорӣ садди роҳатон бигардад. 
Унвон муборак ва ҷовидона Пешвои миллат бошед!

Бо эҳтиром,
Ҷомеаи меҳнатии ҶМТКММ «Апрелевка»