Ӯ пешвои беназир аз баҳри мо омода аст

Ӯ ҳайкали Сомониро нуру ҷамоле додааст,
Айниву Турсунзодаро унвони олӣ додааст.

Бо ҷумлаи халқи ҷаҳон, бо душманонаш ҳамчунон,
Ин Раҳбари олии мо оғӯши худ бикшодааст.

То миллати фархундааш бар ваҳдати комил расад,
Дасту гиребон рӯ ба рӯ бо марг ӯ истодааст.

То файзи раббонӣ шавад, шодию арзонӣ шавад,
Канда ба нохун кӯҳро, роҳи наве бикшодааст.

То хонадони тоҷикон, пурнур аз Роғун шавад,
Ҳар тори шарёнаш чу сими барқ ӯ истодааст.

Эмомалӣ Раҳмони мо, ин Рустами дастони мо,
Баҳри наҷоти миллаташ ҷон рӯи каф бинҳодааст.

Ӯ пешвои миллати худ буду акнун боз шуд,
Чун бо дуои халқу миллат дар сари ин ҷода аст.

Кафро ба каф кӯбида мо, раъйе ба ин Сарвар диҳем,
Ӯ пешвои беназири миллати озода аст.

Мудири  шуъбаи 
тарғиб ва баргузории 
чорабиниҳои фарҳангии 
Китобхонаи миллии Тоҷикистон              
Ҷалолиддин Нуров