Сокини шаҳри Истаравшан собиқ ҳамсарашро ба қатл расонид

Душанбе, 28.12.2015. (АМИТ «Ховар»). -Зимни гузаронидани чорабиниҳои фаврӣ-ҷустуҷӯӣ кормандони милитсия сокини 34-солаи шаҳри Истаравшанро, ки пеш бо моддаи 117 қисми 2 Кодекси ҷиноятии  Ҷумҳурии Тоҷикистон суд шудааст, бо гумони даст доштан дар ҷинояти куштор дастгир намуданд. Муайян карда шуд, ки номбурда  26 декабри соли равон, тахминан соати 22:00 дар хонаи истиқоматии собиқ ҳамсараш, зани 38-солаи сокини шаҳри Истаравшан аз сабаби муноқишаи ба миён омада, бо корди ҳоҷагӣ  5 маротиба ба қисми чап ва рости гардани ӯ задааст. Дар натиҷа собиқ ҳамсараш ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст. 
Нисбат ба далели мазкур парвандаи ҷиноятӣ оғоз гардида, тафтиш идома дорад.