Вохӯрии вазири нақлиёт бо намояндагони Бонки ҷаҳонӣ

Душанбе, 3.12.2015. (АМИТ «Ховар»).- 2 декабр дар Вазорати нақлиёти Ҷумҳурии Тоҷикистон  мулоқоти вазир  Ганҷалзода Шералӣ Раҳмон бо намояндагони Бонки ҷаҳонӣ сурат гирифт
Тавре ки аз Вазорати нақлиёти ҶТ хабар доданд, ҳангоми мулоқот ҷонибҳо дар атрофи масъалаҳои офатҳои табиии моҳҳои июл-августи соли равон дар Вилояти Мухтори Кӯҳистони Бадахшон ва дигар минтақаҳои кишвар рухдода ва барқарор намудани мавзеъҳои аз офат зарардида мубодилаи афкори судманд намуданд.Тарафҳо азми қавии худро барои густариши минбаъдаи ҳамкорӣ дар ҳалли масъалаи мазкур баён доштанд. Иқдом гирифта шуд, ки ҳайати намояндагони бонки ҷаҳонӣ ва коршиносони вазорат ба мавзеъҳои зарардида сафари корӣ анҷом диҳанд.