Эрон 11 тонна урани ғанишударо ба Русия фиристод

Душанбе, 29.12.15. (АМИТ «Ховар»). — Эрон  дар  асоси   созишномаи  оид ба барномаи  ҳастаиаш  рӯзи  душанбе  киштии дорои   тақрибан 11,3  тонна урани  нисфғанишударо  ба  Русия  фиристод.
«Бор  тамоми  маводи  ҳастаии то  20  фоиз  ғанигардонидашудаи  Эронро, ки  аз ҷумлаи  унсурҳои  сӯзишворӣ  барои реактори тадқиқотӣ  воқеъ дар  Теҳрон   ба  шумор  намеравад,  дар  бар  мегирад», — гуфта  мешавад дар  ҳуҷҷат.
«Интиқоли  ҳамаи  маводи ғанигардонидашуда  аз  Эрон қадами  муҳиме  дар  роҳи уҳдадориҳояшро  ба ҷо  овардани Эрон  аст, ки  мутобиқи он ҳуқуқи аз  300  килограмм бештар доштани урани  нисфғанишударо надорад», — хотирнишон мегардад дар  изҳорот.
Созишнома дар  бораи  ҳалли  мушкилоти ҳастаии  Эрон  14 июл  дар  шаҳри  Вена миёни  Эрон  ва  «шашгонаи» миёнаравони  байналмилалӣ (панҷ  аъзои  доимии  Шӯрои Амнияти  СММ  ва  Олмон) ба  имзо  расида буд. Созишнома  бояд  хусусияти  хос  сулҳомез  доштани  барномаи  ҳастаии  Эрон  бар  ивази  аз  Теҳрон  лағв  намудани  ҳамаи  таҳримоти   байналмилалию   якҷонибаро   кафолат  диҳад.