$50 млн. ба Агентии захираҳои моддии давлатӣ ва беш аз $25 млн. ба “Агроинвестбонк”
Душанбе, 06.01.2016. (АМИТ “Ховар”). — Дар асоси тавофуқоте, ки миёни Президенти Ҷумҳурии Тоҷикистон Эмомалӣ Раҳмон ва Подшоҳи Арабистони Саудӣ ва ҳамчунин дигар шахсиятҳои воломақоми ин кишвар ҳосил шуд, як созишномаи қарзи имтиёзнок миёни Агентии захираҳои моддии давлатии Тоҷикистон ва Корпоратсияи байналмилалии исломӣ оид ба маблағгузории тиҷоратӣ (ITFC) ва ду созишномаи дигар миёни ҶСК “Агроинвестбонк”- и Тоҷикистон ва Корпоратсияи исломӣ оид ба рушди бахши хусусӣ (ICD) ва Корпоратсияи байналмилалии исломӣ оид ба маблағгузории тиҷоратӣ ба имзо расид.
Тибқи ин санадҳо, ба Агентии захираҳои моддии давлатии Тоҷикистон 40 миллион доллари амрикоӣ ва ба ҶСК “Агроинвестбонк” беш аз 25 миллион доллар ҷудо карда мешавад.
Хотиррасон бояд намуд, ки Агентии захираҳои моддии давлатии Тоҷикистон ба Корпоратсияи байналмилалии исломӣ оид ба маблағгузории тиҷоратӣ пеш аз ин ба маблағи 10 миллион доллар як созишномаи дигар ҳам ба имзо расонда буд.
Раиси ҶСК “Агроинвестбонк”-и Тоҷикистон Муродалӣ Алимардон дар ҳошияи сафари расмии Президенти Ҷумҳурии Тоҷикистон Эмомалӣ Раҳмон ба Мамлакати Арабистони Саудӣ бо Президенти Бонки исломии рушд Аҳмад Муҳаммад Алӣ мулоқоти судбахш анҷом дода, масоили вобаста ҳамкории молиявию қарзиро бо ин ниҳоди бонуфузи бонкӣ дар ҷаҳони ислом баррасӣ намуд.
Таваҷҷуҳи зиёд ба дастгирии молиявии бахшҳои гуногуни соҳаи кишоварзии Тоҷикистон, аз ҷумла чорводорӣ, парандапарварӣ, хоҷагиҳои хурди фермерӣ ва сохтмони гармхонаҳои сабзавоткорӣ ва сардхонаҳо барои нигоҳ доштани меваю сабзавоти тару тоза зоҳир гардид.
Аҳмад Муҳаммад Алӣ, ки яке аз дӯстони наздики Тоҷикистон ва хусусан Пешвои миллат, Сарвари давлат Эмомалӣ Раҳмон ба шумор меравад, таъкид дошт, ки барои густариш додани ҳамкорӣ бо Тоҷикистон омода аст ҳамаи пешниҳодҳои воридшударо мавриди омӯзиши амиқ ва дастгирӣ қарор диҳад.
НАЗАРИ КОРШИНОС. Тоҷикистону Покистон имкон доранд ҳамкории судмандро дар соҳаҳои саноату кишоварзӣ густариш бахшанд
Дар доираи «Лоиҳа оид ба асосҳои рақамӣ дар Ҷумҳурии Тоҷикистон» Ёддошти ҳусни тафоҳум ба имзо расид
Корхонаи «Сирдарё» дар як шабонарӯз то 5 ҳазор қуттӣ шарбату афшура омода мекунад
Дар Ҷаласаи гурӯҳи электорати Хазинаи байналмилалии асъор ва Бонки ҷаҳонӣ ба масъалаи бунёди неругоҳҳои бодӣ ва офтобӣ таваҷҷуҳ зоҳир гардид
Дар рӯзномаи арабии «Аш-Шарқ ал-Авсат» мусоҳибаи раиси Кумитаи давлатии сармоягузорӣ ва идораи амволи давлатии Тоҷикистон нашр гардид
ХАТСАЙРИ ДУШАНБЕ-ИСЛОМОБОД. Нахустин парвози ширкати ҳавопаймоии Тоҷикистон «Сомон Эйр» ба Покистон анҷом дода шуд
Дар Вазорати молияи Тоҷикистон бо ноибони президентҳои Бонки ҷаҳонӣ ва Корпоратсияи Байналмилалии Молиявӣ мулоқот доир гардид
Ноиби Президенти Бонки ҷаҳонӣ Антонелла Бассани: «Дар самти таъмини оби нушокӣ хамкориро тақвият мебахшем»
Институтҳои молиявии ҷаҳонӣ ҳамкории самаранокро бо Тоҷикистон идома медиҳанд
«CASA-1000». Вазири энергетикаи Тоҷикистон ва Губернатори Хайбар-Пахтунхваи Покистон ҳамкории энергетикиро дар доираи ин тарҳ баррасӣ намуданд
Ифтитоҳи намояндагиҳои бонкҳои Озарбойҷон дар Тоҷикистон дар мулоқоти роҳбарони бонкҳои марказии ҳар ду давлат баррасӣ шуд
