Акнун дар автобусҳои Маскав низ «Wi-Fi»-и ройгон ҷорӣ мешавад

Душанбе, 15.01.2016 (АМИТ «Ховар») – Тибқи иттилои агентии «Москва» то охири соли 2016 дар ҳамаи нақлиёти ҷамъиятии пойтахти Русия, яъне дар 8 ҳазор автобус, троллейбус ва трамвайҳо хизматрасонии Wi-Fi ҷорӣ карда мешавад. «Шартнома аллакай ба тасвиб расидааст ва аз охири моҳи январ – ибтидои моҳи феврал ин навъи хизматрасонии ройгон ба мусофирони нақлиёти ҷамъиятӣ дастрас мешавад», — гуфтааст сардори КВД «Мосгортранс» Евгений Михайлов.

Мавриди зикр аст, ки чунин навъи хизматрасонии ройгони интернет ба мусофирони нақлиёти ҷамъиятии шаҳри Душанбе ҳанӯз соли гузашта ҷорӣ шуда буд.