Б.Ғафуров: Ифтитоҳи 11 корхонаи саноатӣ дар соли 2015

Б. Ғафуров,  22.01.2016 (АМИТ “Ховар”). -Дар ноҳияи Бобоҷон Ғафуров соли сипаришуда 11 корхонаи нави саноатӣ ифтитоҳ шуд, ки дар онҳо 164  нафар бо ҷои кор таъмин гардиданд.

Тавре ки аз мақомоти иҷроияи маҳаллӣ хабар доданд, дар соли 2015 ҳаҷми истеҳсоли маҳсулоти саноатӣ нисбат ба соли 2014 ба миқдори 23,8 миллион сомонӣ зиёд гардида, ба 322,2 миллион сомонӣ расид. Дар ин давра аз 94 корхонаи саноатии ноҳия 84 адади он фаъолияташро ба роҳ монда, 10 корхонаи дигар  аз сабаби мавсимӣ будан фаъолият накардааст.