Ба Конститутсияи кишвар тағйиру иловаҳо ворид мешаванд

Душанбе, 21.01.2016.(АМИТ „Ховар“).-Ба Конститутсияи кишвар тағйиру иловаҳо ворид карда мешаванд. Дар ин росто интизор меравад, ки фардо вакилони палатаи поёнии кишвар дар ҷаласаи навбатии иҷлосияи дуюми Маҷлиси намояндагон пешниҳодро дар мавриди тағйиру иловаҳо ба Конститутсияи (Сарқонуни) Ҷумҳурии Тоҷикистон баррасӣ намуда, санаи таъйини раъйпурсиро муайян намоянд.
Тибқи иттилои котиби матбуотии Маҷлиси намояндагон Муҳаммадато Султонов дар ҷаласа вакилони Парлумон ҳамзамон лоиҳаи Қонунҳои Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи Қӯшунҳои сарҳадии Кумитаи давлатии амнияти миллии Ҷумҳурии Тоҷикистон», «Оид ба ворид намудани иловаҳо ба Қонуни Ҷумҳурии Тоҷикистон «Дар бораи алоқаи барқӣ»-ро баррасӣ ва қабул хоҳанд кард.