Баъзе ваколатҳои раиси КДАМ ба фармондеҳи қӯшунҳои сарҳадӣ дода мешавад
Душанбе, 22.01.2016.(АМИТ „Ховар“).-Вакилони палатаи поёнии Парлумони Тоҷикистон пешниҳоди Ҳукумати Ҷумҳурии Тоҷикистонро дар мавриди ворид намудани тағйирот ба Қонуни Ҷумҳурии Тоҷикистон „Дар бораи қӯшунҳои сарҳадии Кумитаи давлатии амнияти миллии Ҷумҳурии Тоҷикистон“ имрӯз баррасӣ ва қабул намуданд. Раҷабалӣ Раҳмоналӣ- муовини якуми раиси Кумитаи давлатии амнияти миллии Ҷумҳурии Тоҷикистон, сардори Сарраёсати қӯшунҳои сарҳадӣ, Фармондеҳи қӯшунҳои сарҳадии Кумитаи давлатии амнияти миллии Ҷумҳурии Тоҷикистон ҳадафи ворид намудани тағйиротро ба қонун тавзеҳ дод. Мавсуф афзуд, ки лоиҳаи қонуни мазкур вазифаи сардори Сарраёсат ва муовинони сардори Сарраёсати қӯшунҳои сарҳадии Кумитаи давлатии амнияти миллии Ҷумҳурии Тоҷикистонро ихтисор намуда, танҳо муовини якуми раиси кумита, фармондеҳи қӯшунҳои сарҳадӣ ва муовинони фармондеҳи қӯшунҳои сарҳадиро пешниҳод менамояд.
Инчунин муовинони фармондеҳи қӯшунҳои сарҳадӣ, ки бо қарори Ҳукумати Ҷумҳурии Тоҷикистон таъйин ва озод карда мешуданд, минбаъд дар асоси лоиҳаи пешниҳодгардида, муовини якуми раиси Кумитаи давлатии амнияти миллӣ фармондеҳи қӯшунҳои сарҳадии кумита ва муовинони фармондеҳи қӯшунҳои сарҳадии кумита бо Фармони Президенти Ҷумҳурии Тоҷикистон таъйин ва озод карда мешаванд. Ҳамзамон ваколатҳои раиси Кумитаи давлатии амнияти миллии ҷумҳурӣ доир ба хоҷагии истеҳсолӣ ва додани рутбаи ҳарбии прапоршик ба ваколати Фармондеҳи қӯшунҳои сарҳадӣ дода мешавад. Дар маҷмӯъ лоиҳаи мазкур сохтори қӯшунҳои сарҳадиро дар таҳрири нав муқаррар менамояд.
Дар Хоруғ даври шаҳрии Озмуни ҷумҳуриявии «Беҳтарин ҳамсар» баргузор гардид
Имрӯз дар Тоҷикистон ҳарорати ҳаво ба 39 дараҷа мерасад
Волейбол дар Вилояти Мухтори Кӯҳистони Бадахшон аз ҷиҳати тиҷоратӣ дастгирӣ ёфт
4 август дар Кумитаи ҳолатҳои фавқулода ва мудофиаи гражданӣ, Агентии инноватсия ва технологияҳои рақамӣ, Хадамоти зиддиинҳисорӣ ва Ваколатдор оид ба ҳуқуқи инсон нишасти матбуотӣ баргузор мегардад
Имрӯз дар Тоҷикистон ҳавои тағйирёбанда дар назар аст
1 август дар ноҳияҳои кӯҳии Тоҷикистон хавфи сар задани селҳои пиряхӣ боқӣ мемонад
Маҷлиси Кумитаи иҷроияи Ҳизби Халқии Демократии Тоҷикистон дар шаҳри Ҳисор баргузор гардид
Неругоҳи барқи обии «Қайроққум» навсозӣ мешавад
Ҷаласаи Шурои вилоятии мутобиқсозию методӣ оид ба таълим ва тарбияи ҳуқуқии шаҳрвандон доир гардид
Имрӯз дар Тоҷикистон ҳавои тағйирёбанда дар назар аст
