ДСРТ: 32 донишҷӯ ба кишварҳои хориҷӣ барои таҳсил фиристода шуданд

Душанбе, 14.01.2015 (АМИТ «Ховар»).- Дар соли 2015 32 донишҷӯ барои иштирок дар чорабиниҳои гуногун ба шаҳрҳои мухталиф фиристода шуданд,-гуфт зимни нишасти матбуотӣ имрӯз Нуралӣ Солеҳов, ректори ДСРТ. Аз ин шумора 3 нафар ба Калининград, 3 нафар ба Екатеринбург, 5 нафар ба Чин, 3 нафар ба Алмаато, 2 нафар ба Томск, 1 нафар ба Владивасток, 3 нафар ба Белгоград сафарбаргар гардиданд.
Ҳамзамон дар нишаст гуфта шуд, ки яке аз самтҳои афзалиятноки фаъолияти байналмилалии ДСРТ қабули шаҳрвандони хориҷӣ аст. То моҳи декабри соли 2015 шумораи умумии шаҳрвандони хориҷие, ки дар ДСРТ таҳсил менамоянд, 146 нафарро аз 11 кишвари ҷаҳон ташкил дод, ки онҳо аз Озарбойҷон, Арманистон, Афғонистон, Ҷумҳурии Беларус, Қазоқистон, Чин, Русия, Туркманистон, Узбекистон ва Эстония буданд.
Инчунин дар ин марҳала 19 корманди ДСРТ ба кишварҳои гуногуни ҷаҳон сафари корӣ дошта, дар конфроснҳо, семинару тренингҳо иштирок намуданд ва аз такмили ихтисос гузаштанд.