Эмомалӣ Раҳмон: «Паёми имсола дар шароити мураккаб гардидани вазъи ҷаҳони муосир пешниҳод мегардад»

Душанбе, 20.01.2016.(АМИТ «Ховар»).- «Паёми имсола ба мақоми олии қонунгузори мамлакат дар шароити торафт мураккаб гардидани вазъи ҷаҳони муосир, густариши зуҳуроти ниҳоят хатарноки асри нав -терроризм ва эктремизм, вусъати бесобиқаи бархурди манофеи абарқудратҳо барои аз нав тақсим кардани ҷаҳон, боз ҳам печидаю муташанниҷ гардидани вазъи сиёсии сайёра, инчунин шиддат гирифтани бӯҳрони молиявии иқтисодӣ дар бисёр кишварҳои ҷаҳон пешниҳод мегардад».
Ин матлабро Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми навбатӣ ба Маҷлиси Олӣ дар ҷаласаи якҷояи палатаҳои Парлумони кишвар — Маҷлиси миллӣ ва Маҷлиси намояндагон иброз дошт.