Ҷашни Наврӯз дар ноҳияи Мурғоб бо расму ойинҳои хос таҷлил карда шуд
ДУШАНБЕ, 06.04.2026. /АМИТ «Ховар»/. Дар ноҳияи Мурғоб ҷашни Наврӯз бо риояи расму ойинҳои аҷдодӣ ва шукуҳу шаҳомати хос таҷлил гардид.
Тавре ба АМИТ «Ховар» аз Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар доданд, дар доираи чорабинии тантанавӣ намоиши маҳсулоти ҳунармандони маҳаллӣ баргузор шуда, меҳмонон ба ҳунару маҳорати сокинони ноҳия баҳои баланд доданд.
Раиси Вилояти Мухтори Кӯҳистони Бадахшон Алишер Мирзонабот иброз дошт, ки тавъам омадани Наврӯзи имсола бо санаи муқаддасу мубораки 35-солагии Истиқлоли давлатӣ тасодуфӣ набуда, маҳз бо шарофати соҳибистиқлолии мамлакат ва бо ташаббуси фарҳангпарваронаи Пешвои миллат муҳтарам Эмомалӣ Раҳмон ин ҷашн мақоми ҷаҳонӣ касб намудааст.
«Наврӯз дар Бадахшон бо расму ойин ва суннатҳои хос таҷлил карда мешавад. Аз ҷумла, дар ноҳияи Мурғоб Наврӯз вижагиҳои худро дорад, зеро дар ин минтақа тоҷикону қирғизон дар фазои ваҳдату ҳамгироии иҷтимоӣ умр ба сар бурда, анъанаҳои неку ҷовидонаи наврӯзии ду халқи ба ҳам дӯст ба таври шоиста муаррифӣ мегарданд»,- изҳор дошт Алишер Мирзонабот.
Гуфта шуд, ки Наврӯз яке аз пуршукуҳтарин ойинҳои ниёгони халқи тоҷик буда, бо фарорасии худ аз омадани фасли баҳор ва оғози соли нави аҷдодӣ мужда медиҳад. Он рамзи офариниши ҳаёт, эҳёи табиат ва оғози тозаи зиндагӣ буда, ифодагари пирӯзии нур бар зулмот ва тантанаи некӣ бар бадӣ мебошад.
Имрӯз Наврӯз ба ҷашни умуминсонӣ табдил ёфта, дар давлатҳои гуногуни ҷаҳон бо шукуҳи хос таҷлил мегардад ва ҳамчун василаи таҳкими дӯстию сулҳ дар байни халқҳо хизмат мекунад.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
