Хатлон: Соли 2015 30 тонна зиёд моҳӣ истеҳсол гардид

Душанбе, 20.01.2016. (АМИТ «Ховар»).-Дар вилояти Хатлон соҳаи моҳипарварӣ рушд намуда, фаъолияти хоҷагиҳои моҳипарварӣ сол то сол густариш меёбад. Ҳоло дар вилоят теъдоди хоҷагиҳои моҳипарварӣ ба 150 адад расида, масоҳати умумии ҳавзу кӯлҳо 1780 гектарро ташкил медиҳад.
Соли 2015 дар ҳама шаклҳои хоҷагидорӣ 1525 тонна моҳӣ истеҳсол шудааст, ки нисбат ба соли 2014-ум 30 тонна зиёд мебошад.
Бо мақсади дастгирии хоҷагиҳои моҳипарварии вилоят Ассотсиатсияи моҳипарварон таъсис дода шудааст. Боиси хушҳолист, ки хоҷагиҳои моҳипарварии вилоят тибқи барномаи мазкур нақшаи истеҳсоли моҳиро дар соли 2009 105%, соли 2010 132%, соли 2011 126%, соли 2012 91%, соли 2013 122%, соли 2014 173% ва соли 2015 145% иҷро намудаанд.