КҲФ: 183 шаҳрванд ҳангоми шиноварӣ дар дарё ва кўлҳо ҳалок гардиданд

Душанбе, 21.01.2016 (АМИТ «Ховар»).-«Дар натиҷаи риоя накардани қоидаҳои бехатарӣ ҳангоми шиноварӣ дар дарёҳо ва кўлҳо 183 (с.2014-112) шаҳрванди ҷумҳурӣ ҳалок гардид, ки 40 нафари онҳо кӯдакони то 10 сола, 32 нафар то 17 сола ва 111 нафар аз 17 сола боло мебошанд»,- гуфт раиси Кумитаи ҳолатҳои фавқулодда ва мудофиаи граждании ҷумҳурӣ Хайриддин Абдураҳимов имрӯз, 22 январ зимни нишасти матбуотӣ.
Дар соли 2015 қувваю воситаҳои кумита дар тамоми қаламрави ҷумҳурӣ дар бартарафсозии оқибатҳои ҳолатҳои фавқулоддаи дорои хусусияти табиӣ ва техногенӣ, амалиёти кофтуковӣ-наҷотдиҳӣ ва расонидани кумаки аввалия ба зарардидагон фаъолона иштирок намуданд.
«Дар вилояти Бадахшон аз сабаби аз меъёр зиёд боридани барф аз як қатор маҳаллаҳои шаҳри Хоруғ (Наводак, Шош-Хоруғ ва Гулобод) бо кумаки дастаҳои наҷотдиҳии ситоди ноҳиявӣ 57 оила- 272 нафар ба маҳаллаҳои бехавф кўчонида шуданд»,-илова намуд раиси КҲФ ва МГ.