Калимаи „Сарқонун“ аз Конститутсия хориҷ карда мешавад

Душанбе, 22.01.2015.(АМИТ „Ховар“).- Интизор меравад, ки бо ворид намудани тағйиру иловаҳо ба Конститутсияи кишвар калимаи „Сарқонун“ аз матни Конститутсия хориҷ карда мешавад. Ин матлабро Маҳмадалӣ Ватанзода- раиси Кумитаи Маҷлиси намояндагон оид ба қонунгузорӣ ва ҳуқуқи инсон 22 январ зимни баррасии пешниҳоди аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон „Оид ба тағйиру иловаҳо ба Конститутсияи (Сарқонуни) Ҷумҳурии Тоҷикистон ва таъйини раъйпурсӣ иброз дошт.
Мавриди зикр аст, ки пешниҳоди мазкур барои хулоса ба Суди конститутсионии кишвар пешниҳод гардида, баъди хулосаи Суди конститутсионӣ санаи баргузории раъйпурсӣ дар ҷумҳурӣ муайян мегардад.