Корҳои ободонӣ дар Турсунзода

Душанбе, 23.0.1.2015. (АМИТ «Ховар»).- «Мо тамоми чораҳоро меандешем, ки фарҳанги шаҳрдории шаҳрвандони шаҳри Турсунзода дар сатҳи зарурӣ бошад ва шаҳр доимо тозаю озода ва ободу зебо бошад»,- иброз дошт раиси шаҳри Турсунзода Сиҷоуддин Саломзода зимни нишасти хабарӣ, ки дирӯз доир гардид. Ӯ дар бораи натиҷаҳои рушди иҷтимоӣ- иқтисодии шаҳр дар соли гузашта сухан ронда, зикр дошт, ки кишоварзон ҳосили фаровони ғалла, мева ва сабзавоти полезӣ рӯёнидаанд. Нақшаи кишти тирамоҳӣ дар ҳамаи шаклҳои хоҷагидорӣ 110,9%  иҷро гардид.

Варзишгарони шаҳри Турсунзода дар соли 2015 аз тамоми мусобиқаҳои варзишӣ 411 медал ба даст оварданд, ки аз ин 67 медал аз мусобиқаҳои байналмилалӣ мебошад. Кулли сокинони шаҳри Турсунзода барои истиқболи сазовор аз 25-солагии Истиқлолияти давлатии ҶТ саъю кӯшиши беандоза доранд. Бахшида ба ин  санаи муборак якчанд иншооти ҷашнӣ сохта мешавад. Аз ҷумла, ғайр аз 7 иншоот боз ба истифодадиҳии хатти истеҳсоли сими мисин, сехи захира ва коркарди меваю сабзавот  се бинои истиқоматии 5 ошёна, 2 бинои кӯдакистон, 1 муассисаи таълимӣ, дидбонгоҳи сарҳадӣ ва бинои Кумитаи иҷроияи ҲХДТ-ро ба нақша гирифтаанд.