С. Низомов: Донишҷӯёни ДСХ дар Озмуни ҷумҳуриявии туристию кўҳнавардӣ ҷойҳои намоёнро ишғол намуданд

Душанбе, 21.01.2016 (АМИТ «Ховар»).- “Дар соли 2015 аз тарафи устодони донишкада 13 монографияи илмӣ, 3 китоби дарсӣ, ду васоити таълимӣ, 3 брошюраи илмӣ, 421 мақолаи илмӣ нашр гардид. Аз ҷумла, донишкада 2 конфронси илмӣ-амалии байналмилалӣ, 3 конфронси илмӣ-амалии ҷумҳуриявӣ доир намуд. Дар ин бора имрӯз зимни нишасти матбуотӣ муовини ректор оид ба таълим Самариддин Низомов Донишкадаи соҳибкорӣ ва хизмат иттилоъ дод.
Бино ба гуфтаи масъулини донишкада, имрўз дар донишкада 48 нафар тадқиқоти илмӣ анҷом дода истодаанд, ки аз онҳо 27 унвонҷӯ, 15 аспирант ва 8 докторант (PhD) мебошанд.
“Донишҷӯёни ихтисосҳои туризм дар силсилаи чорабиниҳои Озмуни ҷумҳуриявии туристию кўҳнавардӣ, ки аз ҷониби Федератсияи кӯҳнавардон ва бо дастгирии Кумитаи ҷавонон, варзиш ва сайёҳии назди Ҳумукати ҶТ гузаронида шуд, ду нафар донишҷўёни донишкада ҷои аввал ва дуюмро ишғол намуданд”,- қайд намуд Самариддин Низомов.