Уфуқҳои нави ҳамкории Вазорати маориф ва илми Тоҷикистон бо Вазорати таҳсилоти олии Арабистони Саудӣ
Душанбе, 05.01.2016. (АМИТ «Ховар»). — Зимни сафари Президенти Ҷумҳурии Тоҷикистон Эмомалӣ Раҳмон ба Арабистони Саудӣ як зумра санадҳои нави ҳамкорӣ ба имзо расид, ки яке аз онҳо Ёддошти тафоҳум оид ба ҳамкорӣ миёни Вазорати маориф ва илми Ҷумҳурии Тоҷикистон ва Вазорати таҳсилоти олии Арабистони Саудӣ мебошад.
Дар Ёддошт гуфта мешавад, ки Вазорати маориф ва илми Ҷумҳурии Тоҷикистон ва Вазорати таҳсилоти олии Арабистони Саудӣ бо назардошти азми муштарак ба таҳкими робитаҳои дўстона ва баланд бардоштани сатҳи ҳамкорӣ байни ду кишвар дар заминаҳои маориф ва илм дар асоси ғояҳои баробарӣ ва манфиати мутақобила дар доираи табодули барномаву маводи таълимӣ, таҳқиқоти илмии муосир, омўзиши низоми таҳсилоти олии касбии якдигар, табодули омўзгорону донишҷўён, баргузор намудани рўзҳо ва ҳафтаҳои илмӣ дар муассисаҳои илмӣ ва таълимӣ, баргузории конфронс, симпозиум ва ҳамоишҳои минтақавию байналмилалӣ ҳамкориро ба роҳ мемонанд.
Бояд зикр намуд, ки чор санади дигар, аз қабили Созишнома миёни Ҳукумати Ҷумҳурии Тоҷикистон ва Ҳукумати Арабистони Саудӣ оид ба ҳамкорӣ дар соҳаи мубориза бо ҷинояткорӣ, Ёддошти тафоҳум миёни Ҳукумати Ҷумҳурии Тоҷикистон ва Ҳукумати Мамлакати Арабистони Саудӣ оид ба ҳамкорӣ дар соҳаи илм ва технология, Созишнома миёни Ҳукумати Ҷумҳурии Тоҷикистон ва Ҳукумати Мамлакати Арабистони Саудӣ оид ба ҳамкорӣ дар соҳаи ҷавонон ва варзиш, Ёддошти тафоҳум оид ба ҳамкорӣ миёни Вазорати маориф ва илми Ҷумҳурии Тоҷикистон ва Вазорати таҳсилоти олии Мамлакати Арабистони Саудӣ ва Созишнома миёни Ҳукумати Ҷумҳурии Тоҷикистон ва Ҳукумати Мамлакати Арабистони Саудӣ оид ба алоқаи ҳавоӣ низ ба имзо расидаанд.
Муовини Сарвазири Тоҷикистон дар Форуми ҷаҳонии парасторон дар шаҳри Мадрид иштирок намуд
Дар Душанбе рушди муносибатҳои дуҷонибаи Тоҷикистону Чин баррасӣ гардид
Намояндаи Тоҷикистон бо Раиси Шурои иқтисодӣ ва иҷтимоии Созмони Милали Муттаҳид мулоқот намуд
Дар Душанбе ҷаласаи Комиссияи миллии Ҷумҳурии Тоҷикистон оид ба корҳои ЮНЕСКО баргузор гардид
Масъалаҳои афзалиятноки ҳамкории Тоҷикистону Олмон дар соҳаи иқтисод баррасӣ гардиданд
Дар Анқара рушди ҳамкории иқтисодию тиҷоратии Тоҷикистон ва Туркия баррасӣ гардид
Ҷаласаи раёсати Комиссияи миллии Ҷумҳурии Тоҷикистон оид ба корҳои ЮНЕСКО оғоз гардид
Дар Душанбе ҳамкории Тоҷикистон ва Иёлоти Муттаҳидаи Амрико баррасӣ гардид
Дар шаҳри Берлин муколамаи сиёсӣ байни Тоҷикистон ва Олмон баргузор гардид
Сафири Тоҷикистон бо мудири кулли Вазорати корҳои аврупоӣ ва хориҷии Австрия мулоқот намуд
«ТОҶИКИСТОН — ВАТАНИ АЗИЗИ МАН». Дар ин озмуни ҷумҳуриявӣ киҳо иштирок карда наметавонанд?
Ҳайати Тоҷикистон дар Ҳамоиши ҳамкории кишварҳои Осиёи Марказӣ-Ҷумҳурии Корея дар соҳаи маориф иштирок намуд
