Қурғонтеппа: Театри вилоятӣ зиёда аз 80 ҳазор сомонӣ даромад ёфт

Душанбе, 14.01.2016. (АМИТ “Ховар”). — Аҳли эҷоди Театри вилоятии мусиқӣ-мазҳакавии ба номи Ато Муҳаммадҷонови шаҳри Қурғонтеппа дар соли 2015 беш аз 200 намоиш ва барномаҳои консертӣ гузарониданд, ки аз ин 60-тоаш ройгон буд.
Директори театр Аловуддин Абдуллоев, Ҳунарпешаи халқии Тоҷикистон гуфт:”Дар ин давра беш аз 50 ҳунарпешаи театр дар чорабиниҳои оммавии вилоятию ҷумҳуриявӣ ва шаҳрӣ бо барномаҳои гуногуни фарҳангӣ ширкат варзида, ба зиёда аз 50 ҳазор тамошогар хизмати маънавӣ расонида, 81 ҳазору 500 сомонӣ нақшаи даромади театрро иҷро намуданд».