Вакилон имрӯзу фардо ба қайд гирифта мешаванд

Душанбе, 18.01.2016.(АМИТ «Ховар»).-20 январи соли 2016 дар шаҳри Душанбе ҷаласаи дуюми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон даъвати панҷум доир мегардад.
Аз палатаи поёнии Парлумони кишвар ба АМИТ «Ховар» иттилоъ доданд, ки аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон рӯзҳои 18 ва 19 январи соли равон аз соати 8:00 то 17:00 дар бинои Маҷлиси Олии кишвар, ошёнаи якум, утоқи 2 ба қайд гирифта мешаванд. Вакилони Парлумон барои маълумот имкон доранд бо телефонҳои 20-26 ва 221-89 -35 тамос гиранд.
Интизор меравад, ки дар ҷаласаи дуюми муштараки Маҷлиси миллӣ ва Маҷлиси намояндагони Маҷлиси Олии ҷумҳурӣ Президенти кишвар Эмомалӣ Раҳмон бо Паёми навбатӣ ба Парлумони мамлакат суханронӣ мекунад.