Ёвон: Ҳаҷми умумии маҳсулоти дохилӣ ба 1 млрд. 492,9 млн. сомонӣ расонида шуд

Ёвон, 22.01.2016 (АМИТ «Ховар»).-Соли 2015 дар ноҳияи Ёвон ҳаҷми умумии маҳсулоти дохилӣ ба 1 млрд. 492,9 млн. сомонӣ расонида шуд, ки ин нисбат ба соли 2014 190,8 млн. сомонӣ зиёд мебошад. Дар ин давра ҳаҷми истеҳсоли маҳсулоти соҳаи саноатӣ ба 714,0 млн. сомонӣ ва маҳсулоти кишоварзӣ ба 787,9 млн. сомонӣ расида, нисбат ба соли 2014 ба миқдори 175,1 млн. сомонӣ маҳсулоти саноатӣ ва 24,7 млн. сомонӣ маҳсулоти кишоварзӣ зиёд истеҳсол шудааст.
Музди маоши миёнаи кормандон дар соли сипаригашта 731 сомониро ташкил дод.
Ин дастовардҳо имконият фароҳам оварданд, ки иҷрои нақшаи қисми даромади буҷет 123 фоиз таъмин гардад. Дар ин давра ба буҷет 113 млн. 226,6 ҳазор сомонӣ ворид шуд, ки нисбат ба нақша 20,9 млн. сомонӣ ва дар қиёс бо соли гузашта 38,3 млн сомонӣ зиёд мебошад.