Ҷамъоварии маблағи фурўши энергияи барқ 8 фоиз афзоиш ёфт

Душанбе, 4.02.2016 (АМИТ «Ховар»).- Дар соли 2015 тарофаи миёна барои 1 кВт.соат энергияи барқи истифодашуда 12,53 дирамро ташкил дод, ки нисбат ба соли гузашта 1,02 дирам зиёд мебошад. Дар ин бора имрӯз зимни нишасти матбуотӣ раиси ШСХК «Барқи Тоҷик» Исмоилзода Мирзо Иброҳим хабар дод.
Тибқи маълумоти фаврӣ дар соли 2015 сатҳи талафоти энергияи барқ 15,8%-ро ташкил дод, ки дар қиёс бо соли гузашта мутаносибан ба андозаи 1,5%, ё ин ки дар ҳаҷми 135,6 млн.кВт.соат кам мебошад.
Бино ба гуфтаи раиси ширкат, ҷамъоварии маблағи фурўши энергияи барқ аз муштариёни дохили ҷумҳурӣ дар соли ҷорӣ 1 млрд. 339,1 млн.сомонӣ ё ин ки 83,4 %-и маблағи ҳисобшударо ташкил медиҳад, ки нисбат ба ҳамин давраи соли гузашта мутаносибан ба маблағи 298,9 млн.сомонӣ, ё ба 8,0 фоиз афзоиш ёфтааст.