Баргузории охирин бозиҳои Ҷоми чемпионҳои Осиё

Душанбе, 10.02.2016 (АМИТ «Ховар»).- Дирӯз дар бозиҳои плейоффи Ҷоми чемпионҳои Осиё охирин дастаҳо барои шомил шудан ба бозиҳои гурӯҳӣ вохӯриҳои худро барпо карданд. Дар натиҷа дастаи “Бунёдкор”-и Ӯзбекистон дар майдонаш бар “Ашшабоб”-и Амороти муттаҳидаи Араб (2:0),”Алҷайш”-и Қатар дар сафар бар “Нафт”-и Эрон (2:0), “Алҷазира”-и АМА бар “Ассад”-и Қатар (5-4 аз пеналтӣ), “Алиттиҳод”-и Арабистони Саудӣ бар “Алваҳдат”- и Урдун ( 2:1) ғалаба карданд.
Дар шарқи Осиё “Шанхай” ва “Шандунг”-и Чин, “Поҳанг Стелерс”-и Кореяи Ҷанубӣ ва “Токио”-и Ҷопон чунин ҳуқуқро пайдо карданд.
Бозиҳои гурӯҳӣ рӯзи 23 феврал шурӯъ мешаванд.