Бозиҳои минтақавӣ барои Ҷоми ФФТ ба анҷом мерасанд

Душанбе, 22.02.2016. (АМИТ «Ховар»). -То анҷоми бозиҳои гурӯҳӣ дар минтақаи Душанбе барои роҳхат ба бозиҳои ниҳоии Ҷоми ФФТ як даври дигар боқӣ мондааст. Рӯзҳои истироҳат бозии байни дастаҳои “Регари ТадАз” бо “Хайр” бо ҳисоби 1 бар 1 ва”Истиқлол” бо “Барқи Тоҷик” бо натиҷаи 2 бар 1 ба поён расиданд.
Дар даври охирин “Локомотив” бо “Барқи тоҷик”, “Хайр” бо “Помир”, “Истиқлол” бо “Кӯктош” ва “Регари ТадАз” бо Клуби марказии варзиши Артиш “Помир” қувва меозмоянд.
Ёдовар мешавем, ки бозиҳои ниҳоӣ барои Ҷоми ФФТ бо ширкати дастаҳои беҳтарини минтақаҳо дар шаҳри Душанбе аз 1 март оғоз мешаванд.