Дар Хатлон 22 лоиҳаи сармоягузорӣ амалӣ гардид
Душанбе, 3.02.2015. (АМИТ «Ховар»).-Аз тарафи соҳибкорон дар шаҳру навоҳии вилояти Хатлон соли 2015 244 биною иншоот ва корхонаҳои истеҳсолию ғайриистеҳсолӣ бо сарфи 318,3 миллион сомонӣ сохта шуда, ба ин васила беш аз 1,5 ҳазор ҷойи нави корӣ фароҳам омадааст.
Ба иттилои С. Мусоев, сардори Раёсати сармоягузорӣ ва идораи амволи давлатии вилояти Хатлон, дар миқёси вилоят 22 лоиҳаи сармоягузории давлатӣ амалӣ гардида, маблағи умумии азхудшуда 435,3 миллион доллари амрикоиро ташкил медиҳад. Ин лоиҳаҳо асосан ба соҳаҳои маориф, тандурустӣ, кишоварзӣ, об, ирригатсия, энергетика, коммуналӣ ва нақлиёт марбутанд.
«Дар ҳамкорӣ бо соҳибкорон 59 лоиҳаи сармоягузорӣ доир ба таъсиси корхонаҳои истеҳсоли маҳсулоти ширӣ, меваю сабзавот, коркарди пахта, пашму пӯст ва дигар иншооти дорои хусусияти истеҳсолӣ таҳия намуда, барои дарёфти сарчашмаи сармоягузорӣ ба Муассисаи давлатии «Фонди дастгирии соҳибкорӣ»-и назди Ҳукумати Ҷумҳурии Тоҷикистон пешниҳод шуд», — афзуд С. Мусоев.
Аз ин ҳисоб 6 лоиҳаи сармоягузорӣ ба маблағи 9,8 миллион сомонӣ дастгирӣ ёфт ва лоиҳаҳои дигар мавриди омӯзиш қарор доранд.
Соли 2015 бо истифода аз ҳамкории мустақими хориҷӣ ба иқтисоди вилоят 129,8 миллион доллари амрикоӣ сармоя ҷалб шудааст.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
